Droomboom
ek het ’n boom waaroor ek droom:
die stam groei regop uit die aardkors
en staan daar soos ’n paal bo water –
vreemd in ons droë waterarm land
dan vertak die stam in velerlei dun dun latjies
en sprei ’n blarekroon na die hemel
om ten minste manna uit die lug te haal
my boom se takke vorm ’n kom en gaan
vir voëls van enerse én anderster vere
my boom huisves ’n enorme versamel voëlnes;
sy word in-der-daad ’n verenigde front vir vrede
Engemi Ferreira
Hardekool
Cambretum imberbe, Leadwood, Hardekool, Oil on Canvas, 550 x 800mm